Покрај меѓу младите Германци, во најновото истражување, биле анкетирани и нивните врсници во Европа и во САД. Во истражувањето на млади од 18 до 29 години, 12 % од испитаниците рекле дека никогаш не слушнале за ниту еден од двата термини (Холокауст или Шоа) за систематското убивање на Евреите од германските нацисти и нивните сојузници за време на Втората светска војна.
Тој удел е уште поголем во Австрија – 14%, Романија – 15 отсто, а во Франција достигнува до неверојатни 46%.
Истражувањето било нарачано од Еврејската конференција за барања за компензација, во време кога екстремната десница се пробиваше во Европа. Биле анкетирани околу 1.000 млади луѓе во Германија, Франција, Австрија, Велика Британија, Полска, Унгарија, Романија и во САД. Во сите земји, значителен дел од испитаниците не знаеле дека во нацистичката ера биле убиени околу шест милиони Евреи.
Во Германија два отсто од испитаниците се согласиле со изјавата дека воопшто немало Холокауст.
Централниот совет на Евреите во Германија остро реагирал на резултатот од истражувањето.
„Загрижувачкиот пораст на антисемитското вербално и физичко насилство коешто го гледаме во Германија главно се заснова на дезинформации и недостиг на информации за холокаустот“, рече претседателот на Советот, Јозеф Шустер.
