Во неделата, 51-годишниот актер го доби својот втор Оскар за неговата главна улога во историскиот еп „Бруталист“ на Брејди Корбет. Првиот Оскар го доби во 2003 година за филмот „Пијанист“.
Откако го прими трофејот од победникот за најдобар актер во 2024 година, Силијан Марфи, Броди продолжи да зборува неверојатни пет минути и 40 секунди.
Тоа е десет секунди подолго од претходниот рекорд на Грир Гарсон, која зборуваше пет минути и 30 секунди по освојувањето на Оскар за најдобра актерка во 1943 година за нејзината улога во воената романса „Госпоѓа Минивер“.
Во својот говор за прифаќање, Броди ги спомна своите конкуренти за наградата за најдобар актер – Колман Доминго, Тимоти Шаламе, Ралф Фајнс и Себастијан Стен – нарекувајќи ги „прекрасни човечки суштества, чии дела зрачат со благодат, добрина и брилијантност“.
Откако Броди ги достигна дадените 45 секунди што победниците вообичаено треба да ги зборуваат, почна да свири карактеристична оркестарска позадина, информирајќи го дека неговото време истече.
Меѓутоа, наместо да го заврши својот говор, како што направија многу други победници, Броди им рекол да ја прекинат музиката.
„Ќе завршам“, вети тој „Исклучете ја музиката, веќе сум го правел ова. Ви благодарам. Ќе бидам краток“, рече тој.
На крајот од својот говор тој заклучи: „Ве сакам. Ве ценам сите. Да се бориме за она што е правилно, да продолжиме да се смееме, да продолжиме да се сакаме“.
