Како што наведува SpaceX, сателитот со ознака Starlink-35956 изгубил комуникација додека се наоѓал во ниска Земјина орбита, на висина од околу 418 километри. По дефектот бил забележан нагол пад на орбитата, како и испуштање гориво од погонскиот систем, што довело до дестабилизација на леталото.
Според достапните податоци, во близина на сателитот биле регистрирани и неколку помали објекти, што укажува на можен внатрешен дефект или енергетски инцидент, а не на судир со друго вселенско тело. Компаниите кои се занимаваат со следење на вселенски отпад наведуваат дека засега нема докази за судир.
За влакно избегнат судир во вселената
SpaceX соопшти дека сателитот моментално неконтролирано ротира и дека се очекува во наредните недели да влезе во Земјината атмосфера, каде што целосно ќе изгори. Од компанијата истакнуваат дека настанот не претставува закана за Меѓународната вселенска станица ниту за другите активни сателити.
Од SpaceX додаваат дека во соработка со надлежните вселенски агенции ја следат ситуацијата и работат на унапредување на безбедносните системи со цел слични инциденти во иднина да се сведат на минимум.
