Spotify ја претстави новата функција за Android корисници, која овозможува споделување песни, подкасти и албуми директно на WhatsApp Status. Статусот ќе остане видлив 24 часа, а споделениот аудио материјал ќе вклучува краток 15-секунден исечок и линк за отворање во апликацијата Spotify.
Процесот е едноставен: корисникот треба да кликне на “Подели” (Share) кај песната, плейлистата или албумот и да избере WhatsApp. Статусот ќе прикаже насловница на албумот, име на песната и изведувачот, со опција “Open on Spotify”, за лесно отворање на целиот материјал.
Функцијата е достапна глобално, без разлика дали корисникот има бесплатен или Premium акаунт, а во некои земји, вклучително и Хрватска, веќе е активна.
Spotify исто така ја подобри интеграцијата со Instagram, овозможувајќи слушателите на Stories да го слушнат краткиот аудио исечок, додека корисниците можат да споделуваат што слушаат во реално време преку опцијата Notes. Компанијата соработува и со TikTok и Snapchat за слични искуства на споделување музика и подкасти.
„Ова е беспрекорен начин да ги споделите вашите омилени песни и да откривате што слушаат пријателите,“ велат од Spotify.
