Камп на курдската организација Khabat, која потекнува од ирански Курдистан, бил нападнат со дронови во текот на ноќта во ирачкиот автономен регион Курдистан, јавуваат новинари од терен во Ербил.
Според достапните информации, изведени биле два напади со дронови, при што се повредени две лица.
Борците од оваа група изјавиле дека нападот дошол неочекувано. Тие не веруваат дека дронот бил лансиран директно од Иран, туку сметаат дека зад нападот стојат проирански вооружени групи во Ирак.
Членовите на организацијата нагласиле дека не биле во контакт со САД или Израел, ниту пак добиле поддршка од нив, но тврдат дека се подготвени да започнат и копнени операции.
Политичкото раководство во северен Ирак има поумерен став.
Претседателот на автономниот регион Курдистан, Нечирван Барзани, изјави дека ирачки Курдистан нема да учествува во никаква воена ескалација или конфликт.
