Со цел да се развијат иновативни решенија за долгорочно обезбедување на водоснабдување во градовите, особено за наводнување на таканаречената зелена инфраструктура, на Земјоделскиот факултет во Виена – БОКО, започна истражувачкиот проект GAIA.
Се испитува потенцијалот на алтернативните извори на вода, земајќи ја предвид нивната достапност, потребниот квалитет на водата како и потребните процедури за прочистување.
Климатските промени поставуваат нови предизвици за секторот за водоснабдување, но во исто време отвораат нови можности. Еден ветувачки пристап е да се користат алтернативни извори на вода, како што се дождовница, пречистена отпадна вода и „сива вода“ (отпадна вода без содржина на тоалет).
Во Австрија, оваа повторна употреба на водата сè уште широко не се користи и често е оптоварена со бројни предрасуди. Само во ретки случаи се користи дождовница или пречистена отпадна вода.
Особено за време на долги сушни периоди, кога потребата за вода е најголема, конвенционалните системи ги достигнуваат своите граници.
„Можноста за собирање дождовница варира во зависност од сезоната, а секој човек произведува околу 60 до 100 литри „сива вода“ дневно“, објаснува Бернхард Пуер од Виенскиот Земјоделски факултет.
„Со проектот GAIA сакаме не само да ги истражиме техничките можности, туку и да ја зајакнеме довербата во алтернативните начини на користење на водата“, истакна Пухер.
Покрај техничката анализа, проектот се фокусира и на подигање на свеста за одржливо и одговорно користење на водата за пиење.
