Некои жени едноставно имаат вродена потреба и способност да бидат тие што го држат кормилото. Тие не се нужно строги или барачки, но нивното присуство и самодоверба природно ги поставуваат во подоминантна улога од партнерот.
Овие жени не бараат контрола поради несигурност – таа им доаѓа спонтано. Тие знаат што сакаат, како го сакаат и ретко се задоволуваат со нешто помало од она што го замислиле.
Лав: Кралицата на својот свет
Лавиците се родени лидери, а во љубовта нивната улога е исто толку силна како и во останатиот дел од животот. Тие не поднесуваат пасивност – сакаат партнер кој може да им парира, но и да знае кога да ги остави да блеснат.
Жените Лавови знаат да постават граници и јасно да изразат што сакаат. Нивната доминација доаѓа преку шарм, харизма и природната потреба да бидат во центарот на вниманието.
Со нив животот никогаш не е досаден – и затоа партнерите често без двоумење се прилагодуваат на нивната визија.
Шкорпија: Страстен стратег
Жените родени во овој знак доминираат на посуптилен, но подеднакво моќен начин. Нивната контрола не е гласна – таа е длабока, емоционална и често невидлива на прв поглед.
Шкорпиите знаат како да ја насочат врската таму каде што сакаат, а партнерите често сфаќаат дека се „во мрежата“ уште пред да ја забележат.
Она што ги издвојува е страста. Кога сакаат, даваат сè од себе, но очекуваат исто и за возврат. Ако почувствуваат дека партнерот не вложува доволно, тие без проблем ќе го преземат водството за врската да оди во посакуваната насока.
Јарец: Организатор на љубовта
Жените Јарци кон љубовта пристапуваат сериозно, исто како кон работата. За нив, врската мора да има структура, јасни цели и взаемна почит.
Ако партнерот не е доволно одлучен или организиран, жената Јарец нема да двоуми да ја преземе контролата.
Нејзината доминација не доаѓа од желба за контрола поради контрола, туку од потреба сè да функционира ефикасно и без хаос.
Партнерите кои ја ценат стабилноста често радо ѝ го препуштаат кормилото – и ретко се каат за тоа.
