Со првите зимски врнежи се појавуваат и добро познатите проблеми со замрзнати скали, приоди и дворни патеки. Најчесто користеното средство – солта – навистина го топи мразот, но со тек на време може да го оштети бетонот, керамичките плочки и фугите. Токму затоа стручњаците сè почесто препорачуваат поблага и подеднакво ефикасна алтернатива која може да се подготви дома.
Решението се крие во едноставна мешавина што ја има во речиси секое домаќинство: топла вода, детергент за садови и алкохол со концентрација од околу 70%. Комбинацијата делува брзо, ја разградува површинската ледена кора и спречува нејзино повторно создавање.
За да се подготви растворот, доволни се два литра топла вода, една лажица детергент и околу 50 милилитри алкохол. По нанесувањето, мразот омекнува за многу кратко време, што овозможува лесно чистење на преостанатите парчиња. Доколку недостасува некој од состојките, само топла вода со малку детергент или само вода со алкохол може да даде солидни резултати, но најдобрата ефикасност ја дава токму комбинацијата од трите елементи.
Пред нанесувањето на растворот препорачливо е прво механички да се отстрани што е можно повеќе снег и мраз, со цел течноста директно да делува на површината. За разлика од солта, овој раствор не предизвикува оштетувања на материјалите, не ги оштетува фугите и не оставa траги, а истовремено обезбедува побезбедно газење во зимски услови.
Ова едноставно домашно решение претставува практична и достапна алтернатива, особено за оние кои сакаат да избегнат хемиски средства што можат да го нарушат квалитетот на подлогата или да остават долгорочни последици на слојот од плочки или бетон.
