Директорката на Клиниката за пластична хирургија Јасмина Ѓорѓиевска Павловска ги предупреди граѓаните, дека мелемите за изгореници што се продаваат на социјалните мрежи може да бидат и опасни.
„Вчера некој ми рече дека има некои мелеми кои се продаваат на социјалните мрежи. Ние не знаеме од какво потекло се и дали тие се стерилни или, пак, не. Да апелирам, затоа и со Министерството за здравство, се овие доктори кои ќе одат во Кочани за да бидат правени преврски во стерилни услови и со стерилни инструменти“, изјави денеска Ѓоргиевска Павловска.
Во пожарот во Кочани беа повредени околу 200 пациенти од кои дел се лекуваат во земјава, а дел во странство. Има и пациенти со изгореници од прв степен за кои тимови по пластична хирургија ќе бидат испратени во Кочани.
