Управата за јавни приходи (УЈП) ја потсетува јавноста дека крајниот рок за поднесување електронска пресметка за доход остварен во странство во 2025 година е 31 март 2026 година.
Оваа обврска се однесува на сите физички лица кои примиле плата или друг вид доход од странство, без разлика дали данокот е платен во странската држава. Пресметката се поднесува преку системот е-Даночни услуги.
Документација и докази
Со поднесувањето на пресметката, граѓаните мора да достават: докази за висината и видот на доходот, периодот на исплата и потврда за евентуално платен данок во странство
За договорите за избегнување двојно оданочување, УЈП обезбедува насоки и процедури за документација и пресметка.
Меѓународна контрола
УЈП истакнува дека контролата на доходите од странство не е локална. Во 2025 година, беа поднесени 203 барања до странски даночни органи за граѓани кои работеле преку американски компании во Авганистан и Ирак. Ова покажува дека механизмите за размена на информации се активни, а несоодветно пријавување ќе биде забележано.
