Тимот на Илон Маск за намалување на трошоците од Одделот за владина ефикасност (DOGE), го завршува распуштањето на Американската агенција за меѓународен развој (USAID), и нареди отпуштање на илјадници локални работници, американски дипломати и државни службеници кои работат во агенцијата во странство, изјавиле два поранешни високи функционери на USAID..
Во петокот, Конгресот бил известен дека речиси сите вработени во USAID ќе бидат отпуштени до септември, дека сите странски канцеларии ќе бидат затворени и дека некои функции ќе бидат префрлени во Државниот секретаријат.
Најновиот потег на Масковиот Оддел за владина ефикасност (DOGE) ефективно ќе го елиминира она што е останато од работната сила на агенцијата. „Ова е дефинитивно крајното затворање“, рекол еден од поранешните повисоки функционери на USAID.
Американскиот претседател Доналд Трамп и Маск во февруари започнале процес на затворање на USAID и спојување на неговите операции со Државниот секретаријат, со цел да се осигура дека се во согласност со политиката на Трамп „Америка на прво место“.
Поранешни функционери и извор запознаен со ситуацијата изјавил дека секторот на USAID за човечки ресурси ги известил регионалните канцеларии дека ќе им бидат испратени известувања за отпуштање на сите локално ангажирани странски државјани, кои бројат повеќе од 10.000, почнувајќи од август. Додале дека ќе бидат испратени известувања и на американските дипломати и државни службеници кои работат во странство.
Трамп без докази тврди дека агенцијата е преполна со измами и дека ја водат „луѓе од радикалната левица“, додека Муск ја обвини дека е „криминална организација“.
Илјадници вработени во USAID во петокот добиле известувања за отпуштање, а прекинати се повеќе од 5000 програми, што го нарушило глобалниот хуманитарен напор на кој зависат милиони.
Според непартиската Конгресна истражувачка служба, USAID одржува мисии во повеќе од 60 земји, а поголемиот дел од нејзините средства се насочени кон хуманитарна помош и здравствени програми.
Најголеми приматели на помошта биле војнички разурената Украина и Демократска Република Конго, американскиот сојузник Јордан, Западниот брег под израелска окупација и разурнатиот Појас Газа.
