Милорад Додик, за време на одбележувањето на 81-годишнината од операцијата „Халијард“ во селото Болјаниќ кај Добој, изјави дека српскиот народ отсекогаш бил слободарски народ. Тој најави дека Република Српска наскоро ќе започне со изградба на меморијален центар во Болјаниќ.
„Ова е важен ден. Не е ден за да импресионираме некого, туку ден за да оддадеме почит на четничкото антифашистичко движење. Ние не сме навикнати на племенитост, но веруваме дека дојде време да се исправат неправдите што се случија во деведесеттите години“, изјави Додик.
Го пофали Доналд Трамп и ја нападна Босна и Херцеговина
„Го гледаме претседателот на САД Доналд Трамп како ја враќа Америка на патот на цивилизацијата и мирот. Ослободете нѐ од оваа лудачка кошула наречена Босна и Херцеговина. Ние сакаме да живееме и имаме држава како сите други во Европа.“
„Американската политика треба да ги признае фактите“
Додик нагласи дека Србите имале две антифашистички движења – четничко и партизанско – и дека усташкото и Ханџар дивизијата биле фашистички и нацистички.
„Никој од тие денешни нема тука. Тие што беа на страната на фашизмот добија поддршка од Западот во деведесеттите, и затоа денес постои ова недоразбирање“, рече Додик.
Додик: „Не сакаме да живееме со муслимани“
„Србите во Република Српска не сакаат да живеат со муслимани. Никогаш и не сме сакале. Ослободете нѐ од Кристијан Шмит. Овој народ сака да живее слободно и да си ги избира своите претседатели. Српскиот народ е слободарски народ“, нагласи тој.
На крајот, додаде:
„Американската политика треба да ги уважава фактите. Очекувам дека преку дијалог ќе постигнеме сѐ што е потребно.“
Настанот започна со минута молк за убиениот конзервативен активист Чарли Кирк, кого Додик го спомена на самиот почеток.
