Лидерот на Сојузот на независни социјалдемократи (СНСД) и поранешен претседател на Република Српска (РС), Милорад Додик, изјави дека му е благодарен на американскиот претседател Доналд Трамп и неговите соработници за, како што изјави, да ја поправи големата неправда нанесена врз Република Српска, нејзините претставници и нивните семејства, кои беа предмет на санкции.
Тој оцени дека одлуката за укинување на санкциите „не е само правна, туку и морална рехабилитација на вистината за Република Српска и сите оние кои ѝ служат чесно“.
Министерството за финансии на САД ги избриша од списокот на санкционирани лица поранешниот претседател на РС Милорад Додик, српската членка на Претседателството Жељка Цвијановиќ, претседателот на Народното собрание на РС Ненад Стевандиќ, како и 43 други физички и правни лица кои претходно беа на „црната листа“ на САД под обвинение дека работеле на уништување на Дејтонскиот договор и биле вклучени во „криминалниот октопод на Додик“, кој извлекувал пари од јавни претпријатија преку наместени тендери.
