Регулаторната комисија за енергетика ги соопшти новите цени на горивата, кои ќе важат од вечерва на полноќ. Најголемата промена е кај дизелот, кој поскапува за 3,5 денари и од утре ќе се продава по цена од 95,5 денари за литар.
Цената на бензините останува непроменета. ЕУРОСУПЕР БС-95 ќе се продава по 86,5 денари за литар, додека ЕУРОСУПЕР БС-98 ќе изнесува 88,5 денари. Покрај дизелот, поскапува и екстралесното масло за домаќинство, чија цена се зголемува за 2,5 денари и ќе достигне 92 денари за литар. Мазутот, пак, поскапува за 0,2 денари и ќе се продава по 47,6 денари.
Новите цени доаѓаат само еден ден откако Владата донесе мерки со кои ДДВ-то за горивата се намалува од 18 на 10 проценти. И покрај тоа, дизелот и дел од другите горива сепак одат нагоре, што значи дека државната интервенција засега не го сопре целосно ценовниот притисок на пазарот.
