Линда Јакарино, извршната директорка на Twitter (X), за време на своето воведно обраќање на CES 2025 во Лас Вегас, му упати пофалби на Марк Цукерберг.
Јакарино ја опиша одлуката на Meta да го прекине долгогодишниот програм за „fact-checking“ и да ја примени функцијата „Community Notes“ (Белешки на заедницата) како „возбудлива“.
„Мислам дека е навистина возбудливо кога ќе размислите за тоа дека Белешките на заедницата се добри за светот… нема поголемо одобрување за ова од фактот што гледаме дека и Марк и Meta го прифаќаат тоа,“ изјави Јакарино.
Таа додаде: „Марк, Meta, добредојдовте на забавата!“
Иако платформата X често го истакнува бројот на корисници кои придонесуваат со белешки во заедницата, некои истражувачи укажуваат на недостатоците на оваа функција.
Во извештајот од минатата година, спроведен од истражувачи за дезинформации од Центарот за борба против дигитална омраза (CCDH), се наведува дека многу објави, вклучувајќи ги и објавите на самиот Илон Маск, можат да добијат милијарди прегледи без да бидат коригирани.
