Дијана Хрка, која веќе неколку дена штрајкува со глад во центарот на Белград, денеска била примена во приватна клиника, каде што примила инфузија поради влошена здравствена состојба, јавува телевизијата N1.
Хрка го напуштила шаторот во кој престојува во придружба на ветерани и бајкери, што предизвикало загриженост кај собраните граѓани, кои веќе денови се плашат за нејзиното здравје.
Според известувањето на репортерката на N1, граѓаните организирале заедничка молитва и запалиле свеќи во знак на поддршка.
По краткиот престој во болницата, Хрка е пуштена и повторно се вратила во шаторот на Таковска улица, каде што продолжува со својот штрајк.
Еден од ветераните кои ја придружувале изјавил за N1 дека нејзината состојба е стабилна и дека „сè е во ред“, но дека Дијана нема намера да го прекине протестот.
