Според диететичарката Емили Корнелиус, оваа често занемарена лисната зелена салата е „една од најхранливо богатите што можеме да ги јадеме“. Листовите од глуварче одамна се користат во традиционалната медицина, а сега добиваат ново признание и од страна на модерната нутриционистика.
Зошто глуварчето делува?
Тајната лежи во инулин – растворлив пребиотички јаглехидрат кој го поттикнува растот на здравите бактерии во цревата.
„Подобреното здравје на цревата значи помало воспаление, подобро варење и полесно одржување на телесната тежина“, вели Корнелиус. Освен тоа, редовната консумација на листови од глуварче може да помогне во:
- Намалување на надуеноста
- Стимулирање на варењето
- Регулација на холестеролот
- Поттикнување на слабеењe
Природен и лесен додаток во исхраната
Иако не е најпопуларна на трпезата, диететичарката советува да ја вклучите оваа билка во исхраната на едноставен начин:
додајте неколку свежи листови во салата, смути или користете ги како декорација на варени јадења.
„Може да биде интересно и забавно да пробате нешто ново во следниот оброк,“ вели Корнелиус, додавајќи дека глуварчето е природен и нежен начин да се поддржи дигестивниот систем.
Мала забелешка за претпазливост
Иако генерално се смета за безбедно за повеќето луѓе, листовите од глуварче можат да предизвикаат алергиска реакција кај чувствителни лица, или да влијаат на ефектот од одредени лекови. Затоа, доколку земате терапија или имате алергии, најдобро е прво да се консултирате со лекар.
Извор: Index.hr
