Според локалната полиција, демонстрантите ја блокирале околината на салата каде што во 10 часот требало да започне конгресот, поради што влезот бил практично оневозможен. Во текот на денот се очекува пристигнување на неколку десетици илјади демонстранти.
Повредени полицajци и демонстранти
Локалната клиника соопшти дека згрижила „повеќе од десет полесно повредени“ демонстранти, без дополнителни детали за нивните повреди. Полицијата извести дека неколку полициски службеници исто така се повредени, откако кон нив биле фрлани камења и шишиња.
И покрај хаотичната состојба, лидерите на AfD, Алис Вајдел и Тино Крупала, пристигнале на конгресот со значително задоцнување.
Нова младинска структура „Генерација Германија“
Во Гисен денес треба официјално да биде формирана новата младинска организација под името „Генерација Германија“. Таа ја заменува претходната структура „Млада алтернатива“, која беше распуштена на почетокот на годината, по серијата обвиненија за десен екстремизам и противуставно делување.
Неколку покраински ограноци на AfD веќе се класифицирани од Сојузната служба за заштита на уставниот поредок како организации со екстремно десничарски тенденции. На национално ниво, според последните анкети, AfD има околу 26 проценти поддршка и е речиси израмнета со водечките демохристијани, додека во источните германски покраини каде в година ќе се одржат избори, партијата е убедливо водечка политичка сила.
Извор: Index.hr
