Сите љубители на културата се поканети на 12-тото издание на манифестацијата „Ден на гравот“„Ден на гравот“ што ќе се одржи на 21 септември 2024 година во Теарце.
Овој настан веќе има создадено трајна традиција и нуди единствена можност за обединување на заедницата преку културното наследство, надминување на меѓуетничките бариери и промовирање на вредностите од полошкиот регион и пошироко.
Фестивалот годинава е дел од активностите организирани на европско ниво, а заедно со над 30 организации од цела Европа ќе ги одбележиме „Деновите на европскиот зелен појас“ преку саем на локални претприемачи, училишни изложби, рурално кино, традиционална храна, како и музика и танци од различни култури.
