Дел од Скопје денес ќе се соочи со прекини во снабдувањето со електрична енергија и вода поради планирани технички работи на мрежата, информираат надлежните институции.
Според Регионалниот центар за управување со кризи (РЦУК) Скопје, без електрична енергија во периодот од 08:00 до 16:00 часот ќе останат дел од корисниците на улиците „Мирослав Крлежа“, „Наум Наумовски Борче“, „Антоние Грубишиќ“ и „Орце Николов“ во општина Центар.
Дополнително, од 09:00 до 14:00 часот без струја ќе бидат и дел од корисниците на улицата „Миле Поп Јорданов“, во околината на хотел „Гранит“ во општина Карпош.
Во исто време, од ЈП „Водовод и канализација“ – Скопје информираат дека без вода денес ќе бидат корисниците од улиците „Јосиф Михајловиќ“ и „Атанас Бабата“ во општина Чаир.
Прекинот во водоснабдувањето е поради изведување на нов водоводен приклучок со профил ф-100 милиметри на улицата „Јосиф Михајловиќ“. Водата ќе биде исклучена од 09:00 часот и ќе трае до завршување на работните активности.
Надлежните апелираат до граѓаните да се подготват за привремените прекини и да ги планираат своите активности согласно најавените временски периоди.
