Организаторите најавуваат дека ова ќе биде последна можност македонската публика да ги види хероите на хард-рокот во живо, во рамки на турнејата со која бендот официјално се простува од светските сцени.
Deep Purple зад себе имаат милионски тиражи, антологиски албуми и илјадници концерти низ светот, а нивниот музички каталог содржи хитови што ги обединуваат сите генерации. Публиката во Скопје ќе може да ги слушне класиците како „Hush“, „Highway Star“, „Smoke on the Water“, „Lazy“, „When a Blind Man Cries“, „Black Night“, како и композиции што ретко се изведуваат на нивните денешни концерти.
Влезниците ќе бидат пуштени во продажба во петок, 21 ноември, од 10 часот наутро, преку avalonbooking.mk и продажната мрежа на karti.com.mk. Деталите за цените и категориите ќе бидат објавени ден претходно, во среда во 20 часот, на официјалните платформи на организаторот.
Од продукциски аспект, турнејата ќе биде реализирана со целосната сценографија на бендот – моќен звук, светло и видео-продукција, идентична на онаа што ќе ја добијат сите светски метрополи.
Скопје се подготвува за незаборавна вечер и последна средба со еден од највлијателните рок-бендови на сите времиња – Deep Purple, на 11 октомври 2026 година.
