Корејски инстант нудли кои се продавале во Данска се повлечени од поради тоа што биле премногу лути. За овие тестенини утврдено е дека се толку многу лути што не можат да се консумираат безбедно.
Данската управа за ветеринарство и храна (DVFA), националната агенција за безбедност на храна, објави дека повлекува три типа на инстант нудли, велејќи дека тестенините се толку зачинети што можат да им наштетат на малите деца и на некои возрасни.
Во својот извештај, DVFA тврди дека децата се снимале како јадат супер зачинета храна за предизвици на социјалните мрежи. Неколку деца во Германија биле хоспитализирани откако се обиделе да јадат зачинети чипсови.
DVFA рече дека клиент ги предупредил за тестенините, кои потоа ги процениле преку својот национален институт за храна DTU за да утврдат дали се штетни. Содржината на капсаицинот во тестенините може да предизвика горење, гадење, повраќање и висок крвен притисок.
Трите типа на тестенини се од корејскиот производител Самјанг. Пакетите што потрошувачите треба да ги вратат вклучуваат: Samyang Buldak 3x зачинето и луто пилешко, Samyang Buldak 2x зачинето пилешко и Samyang Buldak топла пилешка чорба.
Самјанг не одговори веднаш на барањето за коментар од Business Insider, но во изјава за Би-Би-Си инсистирале дека квалитетот на храната не е проблем. „Разбираме дека данската управа за храна ги повлече производите, не поради проблем во нивниот квалитет, туку затоа што беа премногу зачинети“, изјави Самјанг во изјавата за Би-Би-Си, додавајќи дека „ова е прв пат да бидат отповикани поради горенаведената причина“. Компанијата додаде дека ги разгледува локалните регулативи, објави Би-Би-Си.
Ова значи дека во Данска се банирани/повлечени од продажба нудли за кои е утврдено дека се многу лути и не можат да се консумираат безбедно.
Извор: https://www.businessinsider.com/denmark-bans-samyang-ramen-packets-for-being-dangerously-spicy-2024-6
