– Мобилните телефони и социјалните мрежи им го крадат детството на децата. Ни требаат посилни закони што ќе ги заштитат – порача Фредериксен, додавајќи дека владата работи на конкретен предлог, иако засега не се соопштени деталите.
Поддршка од граѓаните и повик за европска регулатива
Иницијативата веќе има широка поддршка од јавноста. Минатата година беа собрани над 50.000 потписи за ограничување на пристапот до платформи како што се TikTok, Snapchat и Instagram за деца.
Според најавите, можно е исклучоци да се направат за деца над 13 години, но само со експлицитна дозвола од родителите.
Во исто време, Данска побара од Европската Унија да воведе задолжителна проверка на возраста за сите онлајн корисници, како дел од поширока стратегија за заштита на малолетниците на интернет.
Загриженост за менталното здравје на децата
Владата на Данска се приклучува на сè поголемата група земји што ги преиспитуваат ефектите од дигиталната технологија врз развојот на децата. Студиите покажуваат поврзаност меѓу прекумерната употреба на социјални мрежи и појавата на анксиозност, депресија и пореметувања во спиењето кај младите.
Со предложените измени, Данска има за цел да го врати балансот помеѓу дигиталниот и реалниот живот на децата, обезбедувајќи им посигурна и поздрава средина за раст и развој.
Извор: N1info.rs
