Ракометната репрезентација на Данска ја потврди својата апсолутна доминација во светскиот ракомет, откако во финалето на Европското првенство 2026 ја совлада Германија со 34:27 и ја освои титулата шампион на Европа.
Со оваа победа, Данците ја комплетираа тројната круна, откако во своите витрини веќе ги имаат титулите олимписки, светски и европски прваци.
Контрола од почеток до крај
Во текот на првото полувреме, германската селекција само двапати имаше водство, додека Данска најчесто ја контролираше играта и резултатот, стекнувајќи предност и до три гола.
На полувреме, домаќинот во Хернинг замина со предност од 18:16.
Клучниот момент се случи во 48. минута, кога избраниците на селекторот Николај Јакобсен се одлепија на плус четири (26:22), дванаесет минути пред крајот – предност што Германија не успеа да ја надомести.
Германија без решение за Данците
Иако тимот на Алфред Гисласон успеа во еден момент да израмни на 19:19, германските ракометари не најдоа вистински одговор за дисциплинираната и ефикасна игра на Данска.
Најзаслужен за победата беше Симон Питлик, кој постигна осум голови, додека Матијас Гидсел додаде уште седум.
Одличен беше и голманот Кевин Мелер со осум одбрани, додека неговиот колега на голот на Данска запиша седум.
На спротивната страна, ни 14-те одбрани на Андреас Волф не беа доволни за Германија, а по пет голови постигнаа Голе, Кнор и Гргиќ.
