Цената на златото продолжува да руши рекорди – само оваа година таа неколку пати ги надмина претходните врвови. Во моментот на пишување на овој текст, една унца злато чини околу 3200 евра, што претставува раст од приближно 100% во споредба со пред само пет години, кога чинеше околу 1600 евра.
Ваквиот пораст донесе значителна добивка за многу инвеститори во златни полуги и златници. Според податоци, просечниот годишен раст на цената на златото во евра во последните 20 години е над 10%, што е повеќе од инфлацијата и повеќето други форми на вложување, како недвижности, обврзници или државни записи.
Златото: Скапо денес, но поевтино отколку утре?
Иако денес златото никогаш не било поскапо, тоа не значи дека нема уште да поскапи. Многу инвеститори се прашуваат: Дали сè уште е добро време за вложување, или веќе е доцна?
Во светот на инвестициите постои изрека: Златото е поскапо од вчера, но поевтино од утре. Иако сме на врв, наскоро може да има нов, уште повисок врв. Очекувам цена од 5000 евра по унца до почетокот на 2027 година.ѓ, велат експерти.
5000 евра – реална цена во блиска иднина?
Аналитичарите од Goldman Sachs предвидуваат дека златото може да достигне и 5000 долари по унца ако опадне довербата во ФЕД и американскиот долар.
И LBMA (најголемата светска асоцијација за тргување со злато) објави анализа според која златото може да стигне и до 7000 долари по унца до 2030 година.
Златото традиционално се смета за безбедно прибежиште за капитал во време на економска и политичка нестабилност. Растечката инфлација, геополитичките тензии и слабеењето на доларот се главните двигатели на побарувачката.
Влог без даноци и со висока ликвидност
Инвестициското злато во форма на полуги и златници е еден од ретките типови на вложување кој е целосно ослободен од даноци – што значи дека целата добивка останува кај инвеститорот.
Освен тоа, златото е реална, физичка актива која не зависи од банките, државите или берзите, а лесно може да се претвори во готовина било каде низ светот.
