Сантoрини, островот познат по своите импресивни бели села и живописни туристички атракции, сега е здодевно тивок. Поради серијата земјотреси кои го тресат овој остров, улиците се празни, а продавниците затворени. Во понеделникoт, островот беше погоден од најсилниот од неколкуте илјади земјотреси кои се случија изминативе недели и по него Санторино беше претворено во остров на духови.
За жал, овој бран на сеизмички немири не е карактеристичен за Грција.
Последниве денови, силни земјотреси погодиле и другите популарни европски одморалишта, вклучувајќи ја Хрватска и Наполи, што предизвика загриженост за безбедноста на овие омилени туристички дестинации. Ненормалната зачестеност и интензитет на овие потреси ги натераа локалните жители и туристите да се прашуваат што да очекуваат во иднина.
Загрозен и Лисабон
Минатиот август, силен земјотрес го погоди и Лисабон, град кој последните години е високо на листите на многу туристи не само од Европа, туку и од целиот свет. Земјотресот беше со магнитуда од 5,4 степени според Рихтеровата скала и претставуваше најголема сеизмска активност во последните 55 години во континенталниот дел на Португалија. Лисабон беше 84 километри од епицентарот, а се земјотресот почувствувал и на Гибралтар, Шпанија и Мароко.
Силен земјотрес кој ја погоди Португалија во 1755 година, уништи цркви во Лисабон, предизвика цунами бранови и пожари што траеле шест дена. Научниците проценуваат дека магнитудата на тој разорен земјотрес била 7,7, за разлика од 5,4 кој се случи на 26-ти август.
Што би значел земјотрес на таа големина денес за Лисабон?
Со оглед на тоа што две третини од зградите во Лисабон се изградени пред пропишаните стандарди кои беа воведени во осумдесеттите години од минатиот век, штетата може да биде непроценлива, поради што жителите на градот редовно вежбаат, било да се работи за аларми за цунами што се тестираат во близина на градската пристаништа или учениците што вежбаат што да прават во случај на земјотрес.
Можеби не сакаме да размислуваме за тоа, но многу од одморалиштата се под постојана закана од земјотреси. Експертите предупредуваат дека е само прашање на време кога ќе се случи уште еден голем потрес во Јужна Европа.
