Во минатото имаше мислење дека омега-3 масните киселини го намалуваат и нивото на холестерол и триглицериди во крвта, но поновите студии покажуваат дека тие влијаат само на нивото на триглицеридите, кои го намалуваат за 15-30 проценти, што значи дека немаат големо влијание врз нивото на холестеролот, вели, интернистот-ендокринолог и магистер по исхрана, Тијана Дангубиќ. Сепак, овие здрави масти можат малку (за 1-5 проценти) дури и да го зголемат нивото на HDL холестерол.
Позитивно делуваат на текот на ревматоидниот артритис и воопшто на воспаленијата во организмот што е основа на многу болести меѓу кои и ракот“, нагласува докторката.
Постојат студии кои го докажале позитивното дејство на омега 3 масните киселини врз текот на астмата и псоријазата, ја намалуваат веројатноста за развој на депресија и анксиозност, а благотворно делуваат и на луѓето кои имаат мигрена. Подобро е овие здрави масти да се внесуваат преку храна отколку да се земаат суплементи – советува таа.
Храната богата со омега 3 масни киселини се:
риба (скуша, лосос, сардини, харинга, аншоа, туна…)
остриги
ракчиња
алги
чии семиња
ореви
ленено семе и маслиново масло
грав
спанаќ, кељ и друг зелен лиснат зеленчук
тиква
јајца
