Стравот од грмотевици и гром најчесто се јавува во детството, но кај многу луѓе тој опстојува и во зрелоста. Станува збор за еден од најчестите специфични стравови. Со помош на говорна терапија или лекови, можно е да се ублажат симптомите на анксиозност и значително да се подобри квалитетот на животот.
Што е стравот од грмотевици?
Станува збор за интензивен, често парализирачки страв од гром и молњи, наречен астрафобија, пишува Клиниката во Кливленд. Почеста е кај децата, но може да опстојува и до зрелоста. Овој страв не влијае само на луѓето. И многу животни реагираат панично за време на
Луѓето кои го имаат често опсесивно ја следат временската прогноза, избегнуваат ситуации кои наликуваат на бура и може да доживеат напади на паника за време на грмотевици.
Колку е чест овој страв?
Тоа е меѓу најчестите специфични фобии, а жените имаат двојно поголема веројатност да го искусат овој страв од мажите.
Симптоми и причини
Причините не се секогаш јасни. За некои, трауматично искуство за време на бура во детството може да биде поттик. Во други случаи, фобијата се развива без очигледна причина, но е почеста кај оние чии родители или браќа и сестри имаат сличен страв.
Кои се симптомите?
Главниот симптом е интензивен, често ирационален страв. Човек може да биде свесен дека бурата не е вистинска опасност, но телото реагира како да е. Можни симптоми се:
Болка во градите
Вртоглавица, па дури и несвестица
Дијареа
Забрзано чукање на срцето
Гадење и повраќање
Скратен здив
Зголемено потење
Треперење
Што помага и како се лекува?
Најефективните пристапи вклучуваат:
Терапија на изложеност: Постепено соочување со она што предизвикува страв, со професионално водство.
Когнитивно-бихејвиорална терапија: Ве учи да ги препознавате и замените негативните мисли со пореални.
Дијалектичка терапија: Комбинира разговор со техники за релаксација, како што е медитација.
Лекови: Лекарот може да препише лекови за смирување за да помогне во спречување на напади на паника.
Што можете сами да направите?
Техники за управување со стресот: Дишењето, физичката активност и ритуалите за смирување можат да помогнат за време и по бура.
Како да му помогнете на детето кое се плаши од бури?
-Објаснете им дека громот не може да ги повреди.
-Дознајте за природните феномени заедно.
-Поврзете го дождот со позитивни ефекти (на пр. раст на растенијата).
-Обезбедете безбеден, пријатен агол за време на бури.
Ако стравот продолжи, контактирајте со експерт.
