Кафето, едно од најважните суровини на глобалниот пазар, бележи рекордни цени, а аналитичарите предупредуваат дека е малку веројатно дека ситуацијата ќе се стабилизира наскоро. Со се поголемите предизвици во одгледувањето на сировото кафе и дистрибуцијата, се прогнозира дека цената на овој производ ќе остане висока и во новата година.
Цената на арабиката, која сочинува помеѓу 60% и 70% од глобалната понуда на кафе, последен пат беше висока во 1977 година, кога снегот ги уништи големите плантажи во Бразил, најголемиот производител на кафе.
Речиси 50 години подоцна, сушите и високите температури во клучните региони за производство, заедно со зависноста од ограничен број производители, се главните причинители за овој ценовен скок. Покрај климатските непогоди, глобалните проблеми во снабдувањето и логистиката, предизвикани од конфликтите и глобалните немири, дополнително ја компликуваат ситуацијата, па ни втората најпозната сорта на кафе, робуста, не остана по страна. Цената на робустата е во ноември достигнала нов рекорден максимум.
Со сето ова, сите производители на кафе ширум светот се со истите проблеми.
Што значат овие податоци за потрошувачите?
Растот на цените на кафето на глобално ниво неизбежно се прелева на потрошувачите во регионот каде веќе се забележуваат поскапувања на полиците во продавниците. Кога станува збор за цената на сировото кафе, стручњаците предупредуваат дека е малку веројатно дека пазарот брзо ќе се опорави.
Рекордните цени на кафето укажуваат на подлабоки проблеми во глобалното производство и дистрибуција, а како што се развива ситуацијата, ќе биде важно да се следи понатамошниот тек на настаните и да се прилагодиме на овој предизвикувачки период за едно од најомилените светски намирници.
Глобалниот скок на цените, всушност, најдобро нè потсетува на осетливоста на производствените ланци и потребата за одржливи решенија. Препознавањето и решавањето на овие предизвици ќе бара инвестирање во отпорноста на производството на сирово кафе и диверзификација на изворите, за кафе да остане достапно и пристапно.
