Ајтолахот на Иран, Али Хамнеи рече дека иранските власти треба да размислат како да му ја покажат моќта на Иран на Израел по израелскиот напад пред два дена.
„Злото што го изврши ционистичкиот режим (Израел) пред две ноќи не треба ниту да се минимизира ниту да се преувеличува“, изјави Хамнеи, цитирана од ИРНА, иранската новинска агенција.
Иран во саботата го омаловажи воздушниот напад на Израел во текот на ноќта врз ирански воени цели, велејќи дека предизвикал само ограничена штета, а американскиот претседател Џо Бајден повика на запирање на ескалацијата што ги зголеми стравувањата од сеопфатен конфликт на Блискиот Исток.
Голем број израелски авиони извршија три бранови напади пред зори против ракетни фабрики и други локации во близина на Техеран и во западен Иран, соопшти израелската војска.
Хамнеи рече дека моќта на Иран треба да му се покаже на Израел, додавајќи дека начинот за тоа треба да биде „одреден од официјалните лица и да се случи она што е во најдобар интерес на народот и земјата“.
Еден американски истражувач рече дека израелскиот воздушен напад во саботата погодил зграда која била дел од програма за развој на нуклеарно оружје на Иран, а тој и друг истражувач рекле дека биле погодени и објекти што се користат за мешање цврсто гориво за проектили.
Проценките засновани на комерцијални сателитски снимки беа постигнати одделно од Дејвид Олбрајт, поранешен инспектор за оружје на ОН, и Декер Евелет, соработник и истражувачки аналитичар во CNA, тинк-тенк во Вашингтон.
Тие изјавија за Ројтерс дека Израел удрил во згради во Парчин, огромен воен комплекс во близина на Техеран. Израел, исто така, го погоди Хоџир, според Евелет, локација за производство на ракети во близина на Техеран.
Евелет рече дека израелските напади можеби „значително ја попречиле способноста на Иран за масовно производство на ракети“.
.jpg){kind=link}