Далај Лама најави дека наскоро ќе објави важна порака во врска со своето наследство, што се смета за политички врв на неделните прослави. Иако во изминатите години постоеја навестувања дека би можел да биде последниот во овој духовен континуитет, денешната изјава упатува на можно продолжување на „циклусот на реинкарнација“, што го поддржува мнозинството Тибетанци.
Далај Лама, роден како Тенцин Гјатсо, е идентификуван како реинкарнација на претходниот водач на само две години, според будистичката традиција. Од 1959 година живее во егзил во Индија, откако кинеската армија насилно го задуши тибетанското востание во Ласа.
„Нашите искрени молитви се за долг живот на Тенцин Гјатсо, заштитникот на Земјата на снегот – нека живее сто еони“, пееја монасите облечени во црвени руво.
Кина го обвинува Далај Лама дека е сепаратист и бунтовник, додека тој за себе вели дека е „обичен будистички монах“. Стравувањата меѓу тибетанската заедница во егзил се зголемени – се претпоставува дека Кина ќе се обиде да назначи свој „наследник“ на духовниот водач, со цел да ја зацврсти контролата врз Тибет, регион кој го окупира од 1950 година.
Прославите на роденденот ќе продолжат до крајот на неделата, со посебни молитви и културни настани посветени на мирот, слободата и зачувувањето на тибетанскиот идентитет.
