За да изберете фотограф за вашата свадбена прослава најважно е на овој избор да дадете приоритет, да не го оставате последен за штиклирање на to do листата и задолжително да разговарате односно да приберете искуства од свадбени парови, но и од фотографи.
Финалната реакција на клиентот е најважна, особено реакцијата што свадбениот пар ќе ја упати кон фотографот. Така фотографот ќе се подобри и на секој следен настан ќе има подобри фотографии. Затоа, изберете фотограф што ги прима, почитува и разбира реакциите на своите клиенти.
Со технологијата денес, сите можеме понекогаш да направиме добра фотографија и да одлучиме токму таа да ја прикажеме на гледачите. Тоа е и презентацијата на еден фотограф. Приказната што тој ќе одлучи да ја покаже.
Свадбената фотографија е една од потешките производи за испорака. Нема простор за грешка и опција да се повтори. А фотографот го носи товарот да остави добра трајна меморија. Фотографот е одговорен “да го улови” моментот што никогаш нема да се повтори, но и да го издвои најдобриот агол од кој тој момент најдобро ќе изгледа.
Со тоа добар свадбен фотограф е тој што е спремен да покаже цела свадбена приказна, а не само неговиот избор на фотографија. Затоа, побарајте од фотографите кои се ваш потенцијален избор да ви покажат повеќе фотографии.
Мојот приоритет е да изградам добар однос со парот, да се целосно комфорни со мене додека ја држам камерата, да се чувствуваат слободно да ми посочат доколку нешто бараат. Со тоа јас добивам осет за нивниот карактер, сензибилитет и што точно се нивните очекувања.
Секој фотограф има свој пристап на комуникација и свој начин на едитирање на фотографиите. Тоа секако треба да им се допадне на клиентите.
Но, тоа што не се гледа е стратегијата на денот на свадбата и нејзиното лежерно спроведување.
Затоа сакам да речам дека мојот однос е структуриран, но мек. Работам со парот по нивниот распоред, но доколку се менуваат работите, разговарам отворено со парот за работите што треба да се променат, направат или пропуштат околу фотографијата.
Секако, финалниот избор се адаптира и на расположливиот буџет. Со оглед на тоа што се работи за важен креативен процес, пробајте свадбениот фотограф да не го ставате во строга рамка со цена што сте ја слушнале од останатите. Затоа што добар свадбен фотограф подразбира професионално посветено време, искуство, креативност, опрема, дигитални технологии и однос со луѓе – со секој човек од вашата свадба.
Добар фотограф, на свадбениот ден е способен да ги добие најдобрите фотографии во ограничено време.
Моето 10 годишно искуство во свадбена фотографија ја потврдува статистиката дека најголемото покајување после свадба е изборот на фото и видео.
Цвеќињата ќе овенат, меморијата ќе избледее, фотографијата останува и дозволува на вас и вашите сакани да го доживеете денот повторно. И повторно.
Надица Манева Ангеловски
https://www.facebook.com/AngelovskiPhoto
