Во Црна Гора е активирана црвено-портокалова метеоролошка тревога поради силните ветрови кои го зафатија регионот.
Во Улцињ утринава се измерени урагански налети на ветер со брзина од над 100 километри на час. Во Подгорица, ветерот достигнуваше брзина од 95 до 100 километри на час, предизвикувајќи прекини во снабдувањето со електрична енергија во некои делови од градот.
Едно дрво паднало на мостот на браќата Златичани во Подгорица, оштетувајќи дел од оградата. Екипите на надлежните служби брзо реагирале, го отстраниле дрвото и обезбедиле нормално функционирање на сообраќајот.
Службата за заштита и спасување апелира до граѓаните да останат дома и да избегнуваат непотребни излегувања за време на силните ветрови.
