Неодамнешните истражувања покажаа дека консумирањето на еден вид овошје може делумно да помогне во намалувањето на ризикот од депресија. Тоа е портокал. Истражувачите ги проучувале дивите дрвја на портокал, кои се сметаат за прв вид цитрусни растенија на планетата, а потекнуваат од пред околу осум илјади години во денешна Кина.
Цитрусните овошја, лимоните, портокалите, мандарините, често се препорачуваат за добро здравје поради витаминот Ц, кој е добар за одржување на добар имунитет. Како што истакнува нутриционистката Екта Сингвал, времето кога се консумираат цитрусни овошја е важно.
Кога да јадете цитрусни овошја во текот на денот?
„Поради нивниот кисел вкус и високата содржина на витамин Ц, кој е силен оксиданс и го олеснува апсорбирањето на железото од храната, цитрусните овошја не треба да се консумираат веднаш по оброкот. Причината е киселоста на цитрусните овошја, која го нарушува процесот на варење, а може да го зголеми и нивото на шеќер во крвта, кое подоцна може да има нагло опаѓање“, вели диететичарот.
Истражувањата јасно покажаа дека мозокот и цревата комуницираат во нашето тело и влијаат на здравјето на другите органи. Видот на храна што ја јадеме, како и видот на бактерии што растат во нашите црева, можат да имаат големо влијание врз тоа како размислуваме и чувствуваме. Оваа врска помеѓу мозокот и цревата е важна и за менталното здравје.
Студија објавена во списанието BMC Microbiome ја објасни врската помеѓу консумирањето цитрусни плодови и ризикот од депресија.
Зошто цитрусните овошја се толку посебни?
„Агрумите се богати со флавоноиди, како што се нарингенин и форманонетин. Тие помагаат во одржувањето на растот на есенцијалните бактерии и можат да ги регулираат процесите во цревата, што помага да се зголеми достапноста на нашите невротрансмитери кои ни помагаат да се чувствуваме добро“, истакна д-р Китли.
„Бидејќи хроничното воспаление е поврзано со депресија, зголемувањето на бројот на одредени видови бактерии во цревата преку консумирање цитрусни плодови може да помогне во подобрувањето на расположението“, вели д-р Скот Китли.
Важно е да се нагласи дека здравата исхрана има позитивно влијание врз менталното и физичкото здравје, но кога станува збор за депресија, тоа не е единственото нешто на кое можеме да се потпреме.
Кога станува збор за исхраната и менталното здравје, лекарите предупредуваат дека ултра-преработената храна – брзата храна, преработеното месо, газираните пијалоци и слична храна – имаат лоши здравствени последици.
Постојат неколку други видови храна што се добри за нашиот мозок – ферментираната храна како кефир и јогурт содржи пробиотици кои можат да помогнат во регулирањето на нивоата на невротрансмитери во мозокот, заедно со јаткастите плодови и семките, кои обезбедуваат омега-3 масни киселини кои го намалуваат воспалението и ја подобруваат комуникацијата помеѓу цревата и мозокот.
.jpg){kind=link}