Истражувањата покажале дека ова соединение го забрзува процесот на метаболизирање, што може да доведе до тоа лековите да дејствуваат пократко или со помал интензитет од очекуваното.
Иако повремено користење на цимет во храна се смета за безбедно, посебно внимание треба да внимаваат луѓето кои користат додатоци во исхраната со висока концентрација на цимет. Овие додатоци можат да влијаат на ефективноста на лековите, вклучувајќи и оние за разредување на крвта како аспирин и варфарин. Поради тоа, се потенцира потребата од дополнителни истражувања за точно да се утврди обемот на оваа интеракција.
И покрај популарноста на циметот како природен лек за регулирање на шеќерот во крвта и притисокот, научниците сѐ уште немаат целосно разбирање за начинот на кој главната активна состојка – цинамалдехид – делува врз телото. Се смета дека ова соединение поттикнува разградување на одредени лекови, што може да биде ризично за луѓе со хронични заболувања.
Поради тоа, експерите советуваат претпазливост при земање на додатоци на база на цимет, особено кај лица кои веќе примаат терапија.
„Најдобро е секој кој користи редовна терапија, особено за состојби како хипертензија, дијабетес или срцеви заболувања, да се консултира со лекар пред да почне со употреба на додатоци“, вели професорката Шабана Кан, водечкиот автор на истражувањето.
