Цените на нафтата силно се зголемија оваа недела поради ескалацијата на воениот конфликт во Иран, што директно го зголеми и цената на горивото на бензинските станици во САД. Ова создава дополнителен притисок врз Американците кои веќе се справуваат со високите трошоци за живот.
Според податоците на CNN, цената на суровата нафта денес достигна највисоко ниво од средината на 2022 година, кога пазарот беше потресен од почетокот на руската инвазија врз Украина.
Рекорд во времето на Трамп
Американската автомобилска асоцијација (AAA) објави дека националната просечна цена на барел обичен бензин достигна 3,48 долари – највисоката цена забележана за време на претседателскиот мандат на Доналд Трамп.
CNN постојано ги следи промените во цените на нафтата и бензинот во секоја американска сојузна држава, со цел да се оцени влијанието на американско-израелскиот конфликт со Иран врз домашниот пазар на гориво.
