Додека целиот регион застанува во солидарност, додека низ светот се отвораат книги на жалост во македонските амбасади, додека знамињата се спуштени, овде, дома, младите се гушат во разочараност и бес. Системот кој требаше да ги заштити – повторно ги изневери.
Тагата не е само за загубените животи, туку и за изгубената надеж. Тагата е за секој млад човек кој се чувствува небезбедно, оставен на милост и немилост на институции што каснат, молчат, и најчесто – не прават ништо.
Денес, додека целиот регион тагува за Македонија, Македонија тагува за својата иднина.
