Сите заинтересирани креативци можат да го прикажат своето иновативно решение на Creative Expo 2024, кој ќе се одржи на 25 и 26 ноември година во Лабораториум, Скопје.
Creative Expo 2024 е дводневен настан што обединува креативци од сите гранки на креативните индустрии, овозможувајќи им платформа да ги претстават своите таленти, да се поврзат со други професионалци и да прослават иновацијата и уметноста.
Оваа година фокусот е на иновативни проекти кои носат нова перспектива во креативните индустрии.
,,Ги повикуваме сите креативци кои работат на иновативни проекти да се пријават и споделат уникатни решенија, меѓу кои: имерсивни искуства, инсталации, иновативни технологии, интерактивни изложби и проекти кои ги дефинираат идните креативни трендови” велат организаторите.
Преку учеството ќе имаат можност:
Да го претстават својот проект на изложбен простор пред публика која го цени креативниот израз, да бидат дел од уметнички перформанси и демонстрации во живо на иновативни технологии, да слушнат и учествуваат во дискусии за најновите трендови и иновативни практики во уметноста, дизајнот, технологијата и многу повеќе, да ги претстават проектите на деца и млади кои се идната креативна сила, да ги претстават проектите пред меѓународни професионалци кои ќе присуствуваат во Скопје во овие два дена, да се поврзат со колеги, креативци и професионалци од различни гранки, да уживаат во живи настапи и перформанси од локални и меѓународни таленти.
Пријава на следниов линк:
https://forms.gle/P27h5tx7zDJbEbkc8
Креативниот Совет на УМПАКИ ќе го направи финалниот избор на учесници, кои ќе бидат известени преку е-пошта.
Учеството е бесплатно
