Загорената задната страна на тавата е една од најтврдокорните нечистотии во кујната. Маснотијата што се наталожува со време навлегува во металот, а изгорениот слој често не се отстранува ниту со долготрајно рибање. Сепак, постои едноставен домашен метод што може значително да ја олесни работата – со состојки што речиси секогаш ги имаме дома.
Содата бикарбона, лимонтусот и алкохолниот оцет создаваат комбинација што ја омекнува маснотијата и согорените траги. Со правилна примена, задната страна од тавата може да се исчисти за само петнаесетина минути, без грубо триење и замор.
Постапката е едноставна. На загорената површина се посипуваат сода бикарбона и лимонтус, по што се додава малку детергент за садови. Површината се протрла кратко со метална жица, само колку смесата рамномерно да се распредели. Потоа задната страна од тавата се прекрива со хартиени салфети, кои се полеваат со алкохолно сирче за да се активира мешавината.
Тавата се остава да отстои околу 15 минути. За тоа време оцетот го омекнува тврдокорниот слој, а содата и лимонтусот делуваат на маснотијата и на загорените дамки. Кога салфетите ќе се тргнат, тавата се мие со детергент и топла вода. Постапката може да се повтори доколку има потреба, додека не се постигне посакуваниот резултат.
Овој метод не е замена за силни индустриски средства, но може значително да помогне во домашно чистење без агресивни хемикалии и со минимален напор.
