Во свет каде што највисоките плати се врзани за лекари, адвокати и ИТ специјалисти, постојат професии кои изгледаат измислени – но се реални и носат сериозни пари.
Пазарот на труд станува сè понеобичен и профитабилен. Се нудат најразлични професии од инженери за вештачка интелигенција па се до дегустатори на храна за кучиња.
Жени за тажење
Во Кина и некои други азиски земји, ангажирањето професионални ожалостени на погреби е вообичаена практика. Нивната работа е јавно да изразат тага и емоции што семејството на починатиот не може или не сака да ги покаже.
Просечна годишна заработка: околу 28.000 долари (24.000 евра), со надоместоци за „убедливо тажење“.
Цедење на змиски отров
Екстракцијата на змиски отров се користи во противотрови и медицински истражувања.
Плата: Помеѓу 2.000 и 5.000 долари месечно, во зависност од видот на змијата и количината на собран отров. Ризично, но исклучително профитабилно.
Инженер за вештачка интелигенција – најплатениот „поет“ на дигиталното доба
Со развојот на вештачката интелигенција, се роди нова професија: инженер за вештачка интелигенција за „промпи“, односно експерт кој дизајнира ефективни текстуални команди за модели на вештачка интелигенција.
Нивните годишни плати се движат од 150.000 до 250.000 долари (до 216.000 евра) – повеќе отколку на повеќето класични ИТ позиции.
Професионална „прегратка“ – терапија со допир
Во ерата на осаменост, професионалните „гушкачи“ нудат терапевтски, но строго неромантични сесии на гушкање.
Цена: од 40 до 80 долари на час, што значи дека искусните „гушкачи“ можат да заработат повеќе од психотерапевтите.
Дегустатор на храна за кучиња
Дегустаторите на храна за домашни миленици го оценуваат вкусот, текстурата и хранливата вредност на производот.
Заработка: Помеѓу 30.000 и 60.000 долари годишно, во зависност од компанијата и искуството.
Легален ограбувач на банки
Зад името „pen tester“ (тестер за пенетрација) се кријат експерти кои симулираат сајбер напади врз банки со цел да откријат ранливости на системот.
Просечна плата: над 100.000 долари годишно, а најдобрите заработуваат до 130.000 долари.
Професионален спијач
Лабораториите, хотелите и производителите на душеци вработуваат луѓе кои тестираат услови за спиење.
Годишна заработка: помеѓу 15.000 и 40.000 долари – за оние кои буквално заработуваат пари додека спијат.
Овие необични работни места покажуваат дека пазарот на трудот никогаш не бил поразновиден. Во ерата кога индивидуалноста, емоционалната интелигенција и креативноста се повеќе се ценат, „нормалната работа“ повеќе не е единствениот пат до успех – понекогаш најчудните работни места се оние што носат најмногу пари.
