Gmail денес е и години наназад беше една од најпопуларните бесплатни услуги за е-пошта. Има околу две милијарди активни корисници низ светот. Пристапот до акаунтот доаѓа преку Google акаунт, кој вклучува Google Ads, YouTube и Google Play.
И поради тоа, компромитиран Google акаунт може да им даде на хакерите пристап до широк спектар на податоци. Ова вклучува е-пошта, документи, фотографии, па дури и финансиски детали. Користејќи ги овие информации, тие можат да ги измамат вашите контакти, да им испраќаат непожелни пораки и да испраќаат „фишинг“ пораки. Но, не очајувајте, ако вашиот Google акаунт е хакнат, постои можност да го вратите и да го заштитите во иднина.
Дали вашиот Google акаунт е компромитиран?
Иако Google применува моќни безбедносни мерки, постојат начини на кои хакерите можат да добијат пристап до вашиот акаунт. Најчесто користејќи акредитиви украдени при упад во податоци или преку пораки за кражба на идентитет, како и преку малвер или несигурни Wi-Fi конекции.
Постојат неколку знаци дека вашиот Google акаунт можеби е хакиран. Можеби ќе откриете дека вашата лозинка повеќе не функционира или ќе добиете безбедносно предупредување од Google дека се обиделе да се најават на вашиот акаунт од нов уред. Или ќе забележите нешто што го сметате за необично или сомнително. Други знаци за предупредување вклучуваат извештаи од пријатели или фамилија кои можеби добиваат чудни пораки што наводно се од вас.
Знак 1: Промени во безбедносните поставки
Тоа е сигурен знак дека вашиот Google акаунт е хакнат ако забележите промени во безбедносните поставки кои не сте ги направиле вие. Можете да откриете дека има друг број на телефон или е-пошта за опоравување. Можеби е променето името на вашиот акаунт или вашето безбедносно прашање, а можеби ќе откриете дека двојната автентикација е исклучена без ваше знаење. Сите овие се знаци дека хакер има пристап и сега го контролира акаунтот.
Знак 2: Сомнителна активност
Можеби ќе забележите чудни активности во Google производите што ги користите: изгубени или избришани е-пошти или испратени е-пошта што не сте ги испратиле вие. Ако имате YouTube канал, можеби ќе видите видеа што не сте ги качиле или неовластени промени на вашиот профил. Google диск може да прикажува активности кои немаат никаква врска со вас. Вашите слики може да бидат споделувани без дозвола, а корисниците на Blogger може да видат постови кои не сте ги напишале вие. Можете сами да забележите било кој од овие настани или да бидете известени од згрозени контакти.
Знак 3: Неовластена финансиска активност
Можеби најаларамантен знак дека вашиот Google акаунт е хакиран е откривањето неовластени финансиски трансакции. Можеби ќе откриете дека се направени непознати купувања преку Google Pay или дека се додадени нови начини на плаќање, како што се банкарски сметки, кредитни картици, дебитни картици или подарочни картици. Исто така, ова може да се случи и со Google Play.
Знак 4: Безбедносно предупредување од Google
Google испраќа безбедносни предупредувања кога смета дека открил сомнителна активност на вашиот акаунт. Тие ќе бидат испратени на вашиот телефон за опоравување или на вашата е-пошта.
Ова може да подразбира пријавување од нов уред или необична активност како што е големо зголемување на бројот на испратени е-пошти. Компанијата ќе издаде предупредување ако треба да блокира некого да преземе важни акции, како што е прегледување на зачуваните лозинки. Сепак, бидете предупредени: понекогаш измамниците сами издаваат лажни безбедносни предупредувања.
