Денес четири „потенцијално опасни“ вселенски карпи ќе поминат покрај Земјата, соопшти НАСА, од кои две се со големина на авион, а се забележани на почетокот на овој месец.
Најголемиот од сите, астероидот 2002 NV16, има дијаметар од 177 метри и има доволно разорна сила да уништи цел град или да предизвика глобална катастрофа.
Иако нема да биде видлива со голо око, научниците внимателно ќе следат додека оваа масивна карпа поминува покрај земјата.
За среќа, експертите велат дека немаме за што да се грижиме, пишува Daily Mail.
„Научниците можат со голема прецизност да ги пресметаат орбитите на објектите блиску до Земјата кога ќе станат доволно светли за да ги видат, така што со сигурност знаеме дека ниту еден од објектите што минуваат покрај Земјата денес не претставуваат опасност за нас и нема да се судрат со Земјата“ изјави Фин Буриџ, астроном од Кралската опсерваторија Гринич.
„Денес е невообичаено само затоа што имаме 7 астероиди кои се приближуваат во мала временска рамка, но скоро секогаш има астероид кој скита некаде блиску до Земјата.“
Сепак, НАСА смета дека само четири од тие астероиди се „потенцијално опасни“.
Првиот од тие астероиди што стигна до Земјата е 2015 HM1, кој веќе прелета утрово. Карпата достигна минимално растојание од 5,5 милиони километри од Земјата.
Ова е и најмалиот од групата, со пречник од само 30 метри.
Потоа следеше астероидот 2024 TP17 со дијаметар од 52 метри. 2024 TP17 е вториот по големина астероид што минува покрај Земјата денес.
Иако тоа можеби не звучи премногу големо, би се рангирало меѓу некои од најопасните астероиди кои некогаш ја погодиле Земјата.
Во 1908 година, астероид помал од овој експлодираше со сила на нуклеарна бомба над Русија.
За среќа, денес не постои ризик од слична катастрофа бидејќи астероидот помина безбедно на растојание од 4,7 милиони километри.
Последните два астероиди кои ќе пристигнат, 2002 NV16 и 2024 TR6, треба да стигнат до нашата планета за само четири минути еден од друг.
Првиот од нив, 2002 NV16, е исто така најголемиот со 177 метри во дијаметар, што го прави повисок од Статуата на слободата.
Иако ова не е доволно голем за да го избрише животот на Земјата, тој е „убиец на град“, што значи дека има потенцијал да опустоши голема населена област.
Иако овој астероид ќе биде најблиску од четирите кои ќе поминат денес, сепак безбедно ќе помине на 4,7 милиони километри од Земјата. Ова можеби не изгледа блиску, но НАСА го смета ова за „потенцијално опасно“ бидејќи е на помалку од 48 милиони километри од Земјата.
Иако ниту еден од овие астероиди не е доволно блиску за да претставува сериозна закана за Земјата, сите тие се сметаат за „потенцијално опасни“.
НАСА, Европската вселенска агенција (ESA) и мрежа на аматерски астрономи внимателно ја следат вселената за објекти кои можат да претставуваат закана за Земјата.
