Одредени намирници се богати со хранливи материи кои природно можат да го подобрат здравјето на вашето срце со подобрување на циркулацијата, намалување на воспалението и помагање за одржување на стабилно ниво на крвен притисок.
Здравите јаткасти плодови како оревите имаат многу придобивки, а една од нив е намалувањето на крвниот притисок.
„Оревите се богати со омега-3 масни киселини, влакна и антиоксиданс елагична киселина, што може да помогне да се намали ризикот од срцеви заболувања и мозочен удар“, вели диететичарот Лаура Али.
Освен што се здрава ужина, јаткастите плодови лесно се вклопуваат во многу оброци.
„Корисно е да додадете четвртина чаша сецкани ореви во овесна каша, салата или да ги посипете врз тестенините со зеленчук“, вели Али.
Исто така, јогуртот е една од намирниците со богат извор на калциум, кој е клучен за протокот на крв низ телото и за подобрување на здравјето на срцето. Покрај тоа, оваа храна лесно се вклопува во исхраната.
Мешунките како леќата и грашокот се богати со растителни протеини и влакна и се одлична алтернатива за изборот на протеини од месо.
Додавањето разновидни мешунки во вашите оброци ќе обезбеди клучни хранливи материи кои го поддржуваат здравјето на вашето срце.
