Вештачката интелигенција, како и четботовите, сè повеќе предизвикува проблеми во браковите низ целиот свет, создавајќи недоразбирања и емоционални кризи.
Луѓето се почесто се потпираат на вештачката интелигенција наместо на директна комуникација, која на крајот води и до сериозни последици, дури и разделба. Во потрагата да го разберат партнерот, многу луѓе почнуваат да се потпираат на четботовите како виртуелни терапевти.
Наместо отворено да зборуваат, тие им се доверуваат на системите за вештачка интелигенција, а одговорите често ги потврдуваат нивните сомнежи, стравови и незадоволство, без никаков отпор.
Четботот не поставува граници, не бара целосна слика, ниту пак повикува на саморефлексија. Наместо тоа, тој го потврдува она што веќе го чувствувате и може да ве турне подлабоко во верувањето дека проблемот лежи исклучиво кај другата личност.
Сојузник, но можеби и невидлив манипулатор
Четботовите честопати само го отсликуваат она што корисникот веќе го чувствува, но преку тон што звучи како мислење на експерт. Така, се создаваат спирали во кои едниот партнер користи вештачка интелигенција како потврда дека е во право, додека другиот станува цел на виртуелна осуда.
Без објективност и контекст, четботот може да поттикне сомнеж, гнев и чувства на предавство. Кога се користи како оружје во расправии, тој станува медијатор што ги поттикнува конфликтите наместо да ги смирува.
Гласот на вештачката интелигенција е погласен од оној на партнерот
Во некои семејства, четботот е присутен дури и во најинтимните моменти, вклучително и расправиите пред децата. Гласот на вештачката интелигенција станува трет учесник во дијалогот, потврдувајќи ја едната страна и дополнително дестабилизирајќи ја атмосферата.
Наместо тишина, разбирање или пауза, доаѓа гласот на робот што анализира, оценува и обвинува. Оваа ситуација може да изгледа застрашувачка, особено кога се присутни децата.
Алатка за емоционална доминација
Во многу врски, DeepSeek ја замени и вистинската комуникација. Едниот партнер престанува да зборува со свој глас и наместо тоа прифаќа готови пораки напишани од вештачка интелигенција, честопати без рамнотежа или простор за дискусија. Другиот партнер останува неодговорен, закопан во долги анализи кои изгледаат како неоспорна вистина.
Во овие случаи човечкиот елемент на разговорот и можноста за вистинско разбирање се губи, бидејќи постојат партнери кои повеќе не ги споделуваат своите чувства, туку за своите мисли и верување си испраќаат анализи на чет-ботот.
Кога чет-ботот го влошува менталното здравје
Иако вештачката интелигенција може да биде смирувачка, во некои случаи таа предизвикува сериозни ментални кризи. Луѓето со претходно стабилна состојба можат да доживеат драматични промени кога ќе почнат да веруваат дека вештачката интелигенција комуницира со нив на духовно или подлабоко ниво.
Недостатокот на клинички граници и предупредувања води до спирала на опсесија, несоница и параноја, со потенцијално опасни последици за целото семејство.
Постојат примери кога партнерот се повлекла од реалноста, престанува да спие и да зема терапија, верувајќи дека во четботот има „мистично суштество“.
Дури и рационалните можат да паднат во стапицата
Многумина мислат дека се имуни на влијанието на вештачката интелигенција, но во моменти на криза, и тие се наоѓаат во маѓепсан круг на потврда.
Четботот нуди готови совети, охрабрува реакции и го зајакнува чувството на неправда, дури и кога вистинската ситуација не е толку сериозна.
Кога емоциите ја преземаат контролата, дури и најразумните можат погрешно да го протолкуваат советот од четботот како валидна правна или морална пресуда.
Како таков пример е посочена реакцијата на еден од партнерите, кој бил бесен што пред разводот била направила голема куповна нарачка. ChatGPT го советувал однесувањето на партнерот да го пријави кај адвокатот. Кога тоа го сторил, правниот советник му рекол дека не е ништо страшно и дека сè е претерано.
