Вондрачек, добитник на престижната Гран при награда на Меѓународниот натпревар „Кралица Елизабета“ во 2016 година, веќе две децении настапува на најголемите светски сцени. Соработува со славни оркестри од САД, Европа и Азија – меѓу нив се филхармониите во Филаделфија, Чикаго, Токио, Лондон и Осло – како и со имиња како Паво Јерви, Марин Алсоп, Јаник Незет-Сеген, Класу Мекела и други.
Оваа сезона се истакнува со настапи со Симфонискиот оркестар на Луцерн, на фестивалот посветен на Дворжак во Прага, како и на турнеја низ Азија со оркестарот од Бамберг под палката на Јакуб Хруша.
Охридската публика ќе има можност да го проследи во солистичка изведба на следната програма:
- Јоханес Брамс: Седум фантазии, оп. 116
- Александар Скрјабин: Фантазија во h-moll, оп. 28
(пауза) - Антонин Дворжак: Хумореска, оп. 101 бр. 7
- Роберт Шуман: Хумореска, оп. 20
Концертот се реализира како дел од тематската „Чешка вечер“ на фестивалот, а билетите се достапни по цена од 600 денари.
Со врвниот музички квалитет и внимателно одбрана програма што ги поврзува германскиот романтизам и чешката класична традиција, овој концерт ветува да биде една од највпечатливите вечерни случувања на „Охридско лето“ годинава.
