Копривата (Urtica dioica) е растение познато по своите лековити својства и често се користи во народната медицина. Една од неговите важни состојки е кверцетинот, природен антихистамин кој може да помогне во ублажување на симптомите на алергија.
Антиалергиски чај од лист од коприва
Чајот од коприва се подготвува така што една лажичка суви листови од коприва се прелива со шолја врела вода (200 мл), се покрива и се остава да отстои 10-15 минути. Пијте две шолји незасладен чај на ден.
Пред да го внесете чајот од коприва во вашата дневна рутина, особено ако веќе користите антихистаминици или други лекови, се препорачува да се консултирате со вашиот лекар.
Редовното консумирање на овој чај може да помогне во намалувањето на симптомите како течење на носот, кивање и чешање на очите, кои се вообичаени со сезонските алергии. Покрај тоа, копривата е богата со железо, што ја прави корисна во борбата против анемијата. ,
Што друго помага?
Масло од лаванда
Се вели дека маслото од лаванда е природен антихистамин, бидејќи го балансира имунолошкиот систем, има смирувачки ефект и ја отстранува главоболката. Додадете неколку капки во дифузер или топла бања, нанесете капка или две на перницата или зглобовите пред спиење.
Лавандата е природен антихистамин, делува смирувачки и ја ублажува главоболката.
Капки од бел слез
Потопете две лажички бел слез преку ноќ во шолја ладна вода, процедете го наутро и капнете го во носот обилно и што почесто.
Лук
Лукот често се користи за лекување на алергии и зајакнување на имунитетот. Корисно е да додадете млад кромид во салати, разни супи и пролетни чорби.
