„Околу 60 проценти од човечкото тело се состои од вода, а тој процент е поврзан со возраста, полот и нивото на хидратација. На телото му е потребна и вода за подмачкување на зглобовите, регулирање на телесната температура, транспорт на хранливи материи и излачување. Телото природно губи вода секој ден преку нормални процеси како што се мокрење, потење, па дури и издишување“, изјави Кејси Кели, директорка на „Медикал Хелт“.
На губењето на водата во организмот влијаат вежбањето, високите температури, земањето одредени лекови, па затоа е важно да се пие вода секој ден.
Додека спиеме, не внесуваме вода во телото, но се уште губиме течности, па затоа една чаша вода кога ќе се разбудиме е добра за здравјето.
Конзумирањето вода е многу важно за различни процеси во организмот, а неодамна е истакната важноста да пиеме чаша вода веднаш штом се разбудиме.
На празен стомак, пред појадок, чаша вода го буди организмот и ги започнува дигестивните процеси, ја стимулира работата на гастроинтестиналниот тракт. Корисен е и за цревната микрофлора, за поубава и почиста кожа.
За навиката да даде позитивни резултати, водата треба да биде на собна температура.
Нутриционистот и виш директор за глобално клиничко истражување и исхрана во „Weight Watchers“ Мишел Кардел истакнува дека одредена количина на вода е клучна за здравјето на целиот организам, бидејќи му помага на нашето тело да функционира правилно преку регулирање на телесната температура, поддржувајќи го варењето, го намалува оптоварувањето на бубрезите и црниот дроб со исфрлање на отпадните материи и помага во оптимизацијата на моќта на мозокот.
Дури и само мала дехидрација може да доведе до симптоми како што се главоболки, вртоглавица, раздразливост, тешкотии со концентрирање и замор. Поради ова се појавија различни теории за важноста на водата, а особено се издвојува онаа која наведува кога е пожелно да се пие вода.
Некои тврдат дека водата за пиење е најважна работа кога ќе се разбудиме, бидејќи го подобрува нашето здравје, губиме вишок килограми, вклучително и други здравствени придобивки.
