Актерот Чад Мајкл Мареј, познат по улогите во сериите како „One Tree Hill“ и „Gilmore Girls“, наскоро ќе се појави во филмот на Нетфликс „The Merry Gentleman“. Како дел од промоцијата на филмот, ѕвездениот актер сними календар кој ги остави без здив неговите обожаватели. Познатиот актер на сите 12 фотографии позира без кошула, покажувајќи ги своите извајани мускули.
„Ако не можеме малку да се забавуваме на работа, што е поентата? Мареј Божиќ. Календарско време“, напиша актерот на Инстаграм.
Секоја фотографија има различна и соодветна тема, па за февруари Мареј, позира со перница во форма на срце, за октомври со тикви, за декември покрај елка…
Нетфликс ги сподели сите фотографии од календарот, а жените не ги штедеа своите пофалби.
„Сакам лично да му се заблагодарам на одговорното лице за маркетинг на овој филм“, „Нетфликс дефинитивно знае што прават“, „Требаше да биде прогласен за најсекси маж на светот“, „Секоја чест на кој и да дојде на оваа идеја“, беа само некои од коментарите.
Филмот „The Merry Gentleman“ ќе се прикаже на Нетфликс на 20 ноември. Режисер е Питер Саливан, а сценариото го напиша Марла Соколоф. Заплетот се врти околу танчерката Ешли, која ја игра Брит Робертсон, која се враќа во родниот град за празниците и открива дека е во финансиски проблеми. Затоа организира шоу во кое учествуваат мажи во разголени верзии, а еден од овие мажи ќе го глуми Чад.
