Во населбата Козле, во општина Карпош, наскоро ќе биде отворен Центар за дневен престој за лица со попреченост. Просторот ќе обезбеди стручна грижа, психосоцијална поддршка и можности за социјализација. Центарот е во завршна фаза пред официјалното отворање.
Во Козле се подготвува отворање на Центар за дневен престој наменет за лица со попреченост, проект кој има за цел да обезбеди поддршка и подобар квалитет на живот за корисниците.
Станува збор за простор кој ќе нуди стручна грижа, психосоцијална поддршка, како и активности за социјализација и развој на животни вештини. Центарот треба да функционира како место каде корисниците ќе добијат континуирана поддршка во секојдневието.
Проектот е резултат на соработка меѓу Здружението за здрав раст и развој „Неуроклиник“, Министерството за социјална политика, демографија и млади, Светската банка и Општина Карпош.
Во моментов, центарот се наоѓа во завршна фаза, при што во тек е процесот на лиценцирање. По неговото завршување, ќе биде објавен точниот датум за официјалното отворање.
Објектот е лоциран на улица „Јуриј Гагарин“ број 60. Заинтересираните граѓани можат да добијат дополнителни информации преку телефонскиот број 078 336 537 или на електронската адреса neuroclinic.mkd@gmail.com.
