Цените на нафтата денес забележаа раст, при што северноморската нафта Брент достигна 63,7 долари по барел, а американската WTI (West Texas Intermediate) порасна на околу 60 долари по барел. Тоа претставува закрепнување по петмесечниот минимум што беше забележан во петокот.
Како што јавува Tanjug, ценовниот пораст дојде по изјавите на американскиот претседател Доналд Трамп и потпретседателот Џеј Ди Венс, кои покажаа поблага реторика кон Пекинг, откако минатата недела беа објавени нови 100% царини и извозни контроли.
Според аналитичари кои ги цитира Trading Economics, зголемените надежи за намалување на трговските тензии меѓу САД и Кина дополнително го поддржаа растот на нафтата.
